كنت اسمع منذ الصغر عن احد عمال المساجد في محيط بيتنا انها كلمته الشهيره .. لكن عندما احببت اجد لها ترجمه وجدت انها لها معان كبيره هل ان يكون عندك دم مثلا او احساس او اخلاق او متدين مش عارفه كان يقصد ايه لكن جال المعني بخاطر عندما يحس الانسان بالزهو علي فعل صغير الحجم يعتقد فاعله انه اخذ عليه ثواب الدنيا والاخره وانه يقدر يعمل كميه ذنوب نظير صدقه او تحيه او مساعده للغير كانوع من المقايضه . تذكرت ان كل منا يذهب مثلا الي المول مره فالشهر او فالاسبوع كل حسب امكانيته او حسب ضغط زوجته عليه او الشله الهايفه اللي مصاحبها او حتي الشله الفالحه اللي هما اهم ناس في دفعتهم من وجهه نظرهم وغالبا بيبقوا اثقل دم في فصلهم الدراسي . بتاكل وتشرب وتشتري اكياس ومكسرات وحاجات ومحتاجات وبفضل الله سعيد وابنك بيلعب قدامك وشاري بلونه بتطير وانت وامه بتجروا وراه واتصورتم سلفي ونزلتها بسرعه علشان مراتك تغيظ مرات اخوها ولا صحبتها فالشغل ولا حتي ام ميدو جارتكم فالكمبوند . وتبدا حركات النصاحه ودورس التنميه البشريه واحساس جاتكوا نيله مليتوا البلد . امتي بقي يابرنس . اول ماتشوف عامل النظافه جاي جنبك يعمل نفسه بيكنس حوالين التربيزه اللي انت قاعد عليها فالكافيه فالمول وهو يعيني بيتلصص وكاانه لص حتي تراه وتعطيه اي حاجه يروح بيها لعياله مع انه مش لص وهو اللي بيوريك نفسه وانت اللي بتهرب بنظراتك منه يبقي مين اللص فيكم . ولما المدام تدخل التواليت تعمل حاجه مش لطيفه وتصلح مكياجها علشان تبقي شكل لطيفه . والست منتظرها جنب الباب تجري قبلها تنضف وتلمع وتلحس البلاط وتخرج بسرعه ست البنات قبل ماتلمحها ست الستات علشان ماتديش الفكه اللي معاها . مع ان الست دي عندها بنت فالبيت فالجامعه واحلي من بنت ابو لمعه اللي خرجت حالا من الحمام تحكي انها هربت ونجحت فالمهمه . وتخرجوا عند العربيه وتبصوا يمين وشمال علشان الراجل اللي واقف من بعيد يدور علي نور عربيه هاتمشي وقبل مايلحقك تكون خطفت العربيه وجريت علشان شويه الفكه اللي فالتابلوه ياخدها الواد السايس الصايع اللي متقدرش عليه لكن الراجل اللي راجع بيته بالليل وعليل وهايركب مره واتنين علشان يوصل بيته الساعه اتنين ويصلي الفجر ويروح شغلانه واتنين . يفضل يجري ورا العربيه وانت شايف فالمريا وتفرح بالحكايه وتركن فالزويا . طلع الفلوس من غير زهو ومن غير تفضل ومن غير سماجه ومن غير ما تعد ولا تهرب وتمد . روح دور علي الست فالحمام اللي خدمت المدام وبوس راسها وقولها كتر خيرك . واجري ورا الراجل وخليه يعمل نفسه مش شايفك وقوله الله يعينك . وافضل زمر بالعربيه لحد الراجل مايلحق يوصلك وقوله تصبح علي خير ياراجل ياطيب . الزهو انك تحس انك واخد من الدنيا اكتر من حقك واللي بتوزعه ده مش من حقك وانت بتاخد ببلاش ولازم تدي ببلاش وخلي يوم المول هو اليوم المأمول ليك ولغيرك علشان ربنا يكتر خيرك .. اللهم ارزقنا التمييز.
